Jelena Karleuša je večeras na prvoj regionalnoj dodeli muzičkih nagrada Music Awards Ceremony (MAC) predstavila svoju novu pjesmu “LaJK”. Na ovaj Jelenin projekat dugo se čekalo, naročito poslije skandala koji je izbio zbog njene navodne afere sa fudbalerom Ognjenom Vranješom.
https://www.instagram.com/p/BtPJeCzHFhr/
Nova pjesma je konačno ugledala svjetlost dana, i to je premijerno predstavljena na četiri televizije u regionu, na večerašnjoj spektakularnoj manifestaciji u Štark areni u Beogradu, kako je i bilo najavljeno.
Karleuša je oduvala prvo emotivnim govorom u kojem se osvrnula na prethodna dešavanja, zatim kostimom, pa onda i nastupom.
– I, evo je. Poslije svega. Evo je, majka dvoje djece. Supruga. Zvijezda. Njeno dostojanstvo. Njeno ime. Ima lijepu kožu, blijeda je. Kao da je ovdje već dugo. Mada, kada malo bolje pogledam, nešto mi ovdje nedostaje. Ne vidim krv, a miriše na nju. Na nasilje bez noža. Bez pištolja. Na zlo. I to ono koje više nije moglo da utiče na nju, pa je riješila da utiče na to kako je drugi vide. Zbog nje, i svih njih. Odlučila sam da budem heroina svog života, a ne žrtva u vašim očima – govor je Jelene Karleuše na samom početku pjesme.
